كيف اكتب تقرير؟

آسفين اننا ما كتبنا موضوع من شهر وطولنا عليكم مرة لكن من جد كنا مشغولين ومضغوطين مع الاختبارات والمشاريع 

بما انو دي الفترة فترة مشاريع واغلب المشاريع لها تقارير حبينا نتكلم عنها 

التقارير هو كابوس لمعظم الطلاب الجدد وانا طبعاً كنت اشوفه كده بالذات لما يكون كبير يعني ١٥٠٠ كلمة على الاقل 

انا ما اقدر اقولكم كيف تكتبو تقرير لأنه طبعا يعتمد على المادة والموضوع اللي بتكتبوه  

بس في نصايح مهمة لأي تقرير ممكن تفيدكم

١: الهدوء الهدوء الهدوء عشان ما ينقطع تسلسل افكاركم والاسلوب في الكتابة يكون واحد ومتسلسل

٢: اهم عنصر في التقرير هو الترتيب كل ما كانت افكارك مرتبة كل ما كان التقرير مرتب اكثر 

عشان ترتب افكارك لازم تقسم التقرير 

 1. Cover page 

دي اكيد مطلوبة في اي تقرير تتكون من شعار الجامعة (فوق عاليسار غالباً)، اسم الجامعة، اسم الكلية، اسم المادة، موضوع التقرير، اسم الطالب او اسم المجموعة و اسم دكتور المادة 

2. Introduction 

خطأ كبير يقع فيه اكثر الناس وهو كتابته اول شي بالعكس اعمل الصفحة واكتب فيها كلمة introduction وسيبها فاضية الين تخلص التقرير حتلاقي عندك إلمام كامل بالموضوع وتقدر تكتب مقدمة صحيحة، خالية من التعقيد والتفاصيل الكثيرة ومشوقة لباقي التقرير. 

3: body 

اي تقرير كامل يتكون من اقل شي ٣ اجزاء في صلب الموضوع عشان كده لازم تكون عارف حتتكلم عن ايش ايش اهم الاجزاء في تقريرك وقسمها على ده الاساس . 

4. Conclusion 

كثير ما يعرفو يفرقو بين الخاتمة والمقدمة لكن الشي اللي تقدر تفرق بيه وتكتب بإستخدامه خاتمة جيدة انه اغلبه حيكون عن رأيك الشخصي ونظرتك العامة للموضوع وحيكون موجه لشخص عنده خلفية عن الموضوع لأنه قرأ التقرير عكس المقدمة اللي حتقول فيها (حنتكلم عن..... ، التقرير يتضمن ... وكذا) 

في اشياء مطلوبة في التقرير من بعض الدكاترة 

زي 

Table of contents 

بكل بساطة فهرس طبعاً ما رح يكمل الا لما تخلص التقرير 

Reference

 مافي اي طالب يقدر يكتب تقرير كامل لوحده الا ما يقرأ في الانترنت ويبحث وممكن يقتبس بس اهم شي ينسب الاقتباس لصاحبه ويكون بين "علامات تنصيص" طبعاً وفي اخر صفحة واللي هيه ال reference يحط الريفرنس بالطريقة المطلوبة واللي هيه ال IEEE غالباً بما ان تخصصنا تقني 

(دي النصيحة شي شخصي احنا اعتمدناها من زمااان في كتابة التقارير وشي ممكن تعتبره اختياري مو شرط يعني) 
احنا في كل مشاريعنا وتقاريرنا اللي هي قروبات نتجمع عشان نعملها او نتأخر في الجامعة اقل شي لازم اعرف كيف اللي معايا في القروب يفكر لازم نعرف نقطة ضعف وقوة كل واحد فينا ونحاول نعطي بعضنا الشي اللي يعرفه اكثر 
زي مثلا 
ارين: ترتييييييب مجنونة ترتيب وده شي فادنا جداً في كل مشاريعنا  
شذى: هيه من النوع اللي يفاجئك يعني ممكن تفضل سااااكته فترة لكن لما تجيها فكرة اعرفو انها جباااااره. 

استعملو نقاط قوتكم في صالحكم وابعدو عن اي شي يبين نقاط ضعفكم 

وبس طولنا عليكم 

good luck with all your projects