التدريب الصيفي 2- وقت التدريب

احنا عارفين اننا اتأخرنا عليكم لكن كنّا مشغولين في التدريب وكده 


احنا تدريبنا في غرفة جدة التجارية 
بدأنا من اول اسبوع في رمضان وحتى ٢٥ رمضان واخدنا اجازة حتى ١٢ شوال 

تدريبنا كان محتلف عن معظم بنات دفعتنا
كنا كل اسبوع نتدرب في قسم يعني اتعلمنا عن
الدعم الفني 
ادارة الغرفة الالكترونية 
الشبكات 
واشياء ثانية 
بصراحة العمل كان كله في قسم الرجال 
ماعدا اسبوع واحد 

الحق ينقال الشباب في كل الاقسام سوو كل اللي يقدرو عليه واعطونا كل المعلومات اللي احتجناها ما قصّرو معانا ابداً

كان عندنا زيارتين من الاستاذة المشرفة علينا عدّت علينا اول التدريب وعدّت علينا تاني بعد اسبوعين عشان نسلّم اول ريبورت وجات بعد رمضان عشان نسلم ثاني ريبورت لكن كل زياراتها كانت بموعد يعني كانت تتفق معانا انها تيجي بس ده ما يمنع انها ممكن تيجي فجأة 

الريبورت كان اننا نشرح ايش اتعلمنا وايش عملنا بالتفصيل 

احنا حالياً خلصنا ١٩٠ ساعة ان شاء الله بعد ما نخلص التدريب ونسلم الريبورت والبرزنتيشن راح نعمل بوست تاني عن الموضوع ده 

التدريب الصيفي - 1- قبل التدريب

بما ان الصيف قرب 

واحنا وبحمد الله وصلنا المستوى الثامن 

يعني ترمين ونتخرج بإذن الله 

جاه وقت التدريب الصيفي 

.......وده معناه تجربة عمل حقيقية ومؤقته 

طيب نبدأ من الأول 

الموضوع ده حيكون على عدة اجزاء 

فبل التدريب, وقت التدريب و بعد التدريب

قبل التدريب 

احنا اول اسبوع من الدراسة في الترم الثامن 

عملولنا اجتماع بسيط وشرحولنا ايش طريقة التقديم للتدريب 

حنعطيكم اهم النقاط عشان يسير عندكم فكرة 

لازم تكون سيرتكم الذاتية جاهزة

لازم تعرفو فين تبغو تتدربو شركة ولا جهة حكومية ولا في الجامعة ولا فين بالضبط

كمان عندكم احد يقدم معاكم مثلا انتي واثنين صحباتك

همه حيقولو نبغ اقل شي 5 بنات في مكان واحد ومدري ايش لكن لا 

 لا همه ولا انتو تقدرو تحددو كم شخص حيتدربو في نفس المكان 

اللي يعرف هيه جهة التدريب احيانا يطلو بنت او بنتين او عشرة حسب 

مقدرتهم عالتدريب 

بعض الشركات تطلب اثنين اي تي ووحدة اي اس و ثلاثة سي اس مثلا

بعضهم يطلبو برامج معينة تكون تعرفها الطالبة 

في الأخيرر موضوع عدد المتدربين راجع لجهة التدريب 

-----------------------------------------------------------------------

لو انتي تبغي تحددي جهة التدريب :زززز

كل اللي عليكي تسويه تختاري المكان وتجيبي طريقة تواصل معهم 

وتروحي عند الاستاذة المسؤولة عن التدريب (حيقولولكم مين هيه في اللقاء) وهيه 

تتواصل معاهم وترد لك خبر 

طبعا بما ان في بنات كثير يبغو يتدربو لازم تتابعي مع المسؤولة اول بأول 

بعد كده همه حيطلبو السير ةالذاتية حقت المتدربات والجامعه حتطلب منهم الخطة التدريبية 

اذا تمت الموافقة من الطرفين على الطالبات والخطة حقولك مبرووك المشوار الطويل المتعب خلص 

وبس حتنتظري الى الصيف عشان تتدربي 

----------------------------------------------------------------------

اما اذا تبغي تتدربي في جهة عن طريق الجامعة :ززز

كل اللي حتعمليه انك تتابعي اماكن اعلانات الجهات التدريبية 

(كمان همه حيقولولك فين )

والجهة اللي عجبتك وتبغي تتدربي فيها 

راح تتواصلي مع المسؤولة وتعطيها سيرتك الذاتية

وهيه تقولك اذا تم قبولك او لا 

وبس 

نصائح:ةةة

لا تحطي في بالك جهة تدريبية واحدة لا فكري في اكثر من جهة في نفس الوقت 

جهزي السيرة الذاتية من بدري 

تابعي اعلانات الجامعة بإستمرار 

لا تهملي ولا تأخري الموضوع لأن ممكن جداَ تروح عليكي لا سمح الله ويخلص الترم

 وتخلص فترة التقديم عالتدريب وما تتدربي وبالتالي ما ينزل لك مشروع تخرج السنة اللي بعدها وتتأخري في التخرج

نتمنى يكون الموضوع عجبكم واستفدتو منه 

للأسف مع مشغولياتنا وكل مالها المواد تصير اصعب 

ما بيكون عندنا وقت نفكر في مواضيع جديدة 

يسرنا جداَ تواصلكم معانا واقتراحكم لمواضيع اخرى 

عن طريق 

تويتر 

@IS_bloggers

الإيميل 

kau.is.bloggers@gmail.com

المستوى الرابع

مواد المستوى الرابع 

بناء على طلبكم راح نتكلم عنها 

صراحة اخدنا شوية وقت عشان نفتكر مواد المستوى الرابع بما اننا مستوى ثامن 😅 

مواد المستوى ده ظريفه صراحة 

لأن بناء على الخطة حيكون عندكم ماده وحده بس هيه اللي متعبة شويتين

خلينا نتكلم عن كل المواد 

بالنسبة لتخصص IS 

حيكون عندكم 

مبادئ نظم المعلومات 

المادة دي حلوة عشانها بتتكلم عن مستقبلكم للي حيتخرجو من ده التخصص 

بس مهم جداً تكونو فاهمينها لأنها من المواد اللي اذا فهمتوها 

تحفظوها على طول وما فيها اي مشاكل لاتخافو منها 

مقدمه في الادارة الحديثة 

دي اول مادة بزنس لكم في التخصص 

صراحة هيه تطفش شوية لأن حفظها كتير 

بس ما تخافو  

هيه تتكلم عن ادارة المنظمات والمجموعات وانواع الادارة بشكل عام

كمان بروجكتها برزنتيشن بسيط 

برمجة ٢ 

تكمله ل برمجة ١ 

تدخلو في التفاصيل شوية للبرمجة 

زي الكلاسات والأوبجكتس ودول اهم عنصرين في ده المنهج

لو فهمتوهم كله يهون 

لها بروجكت لازم تبدؤوه اول ما الدكتور/ة يقول ابدأو 

لا تأجلو اي بروجكت لأنكم 

 حتحتاجو كل الوقت اللي تقدرو عليه 

دي المادة اللي راح تاكل وقتكم كله

 لكنها جداً مهمه لباقي دراستكم في الكلية 

اما الباقي راح يكون مواد عامة او حرة 

لكن الاغلب بيكون ثقافة ٢ وعربي ١ مواد خفيفة 

مضمونة درجاتها ان شاء لله 

وبالتوفيق للجميع 

واذا عندكم اي استفسار ممكن 

تكتبولنا في الكومنتس وراح نرد عليكم بإذن الله