المستوى العاشر والاخير

اخر ترم بإذن الله في ده مرحلة البكالوريوس

انصح وبشدة انك تكوني خلصتي كل المواد الحرة والعامة قبل ما توصلي هنا عشان حيكون باقيلك مادة تخصص ومادة مسار وتفضي نفسك لمشروع تخرج 2

1.      استراتيجيات وسياسات نظم المعلومات:

 مادة تشرح انواع الاستراتيجيات المستخدمة في المنظمات والشركات واهميتها

    عدد الساعات:3

معمل:لا يوجد

واجبات:قليلة الواجبات

مشروع:بحث من اختيار  دكتورة المادة

طول المنهج:وسط

2.      مشروع تخرج 2:

 هنا تكوني خلصتي جزئية البحث والتخطيط تبدأي تطبقي الكلام اللي قلتيه عملي بإستخدام الطريقة اللي تبغيها ممكن يكون موقع او ابلكيشن او اي شي له علاقة بالحاسب في دي الفترة يفضل انك تدوري من بدري على مسابقات ومؤتمرات تشاركي فيها بمشروعك تعملي بوستر يشرح فكرة مشروعك حيساعدك جدا في مناقشة التخرج اخر الترم حتحتاجي ترجعي لمادة جودة برمجيات عشان تطبقيها على مشروعك.

 عدد الساعات:3

معمل:لا يوجد

واجبات:لا يوجد

طول المنهج:لا يوجد محاضرات اجبارية لكن في كل اسبوع في محاضرة لو تقدري تحضريها وتستفيدي

المستوى التاسع

المستوى ده فيه مادتين تخصص ومادة مسار تخصصي ومشروع تخرج 1

1.      مستودعات البيانات والتنقيبData Warehousing & Mining:

 مادة اقل ما يقال عنها انها تضيع للوقت, مادة متعبة جدا وكلامها غير مفهوم ولا يستفاد منه صراحة مع انه كثير شركات طالبين المادة دي وانك تاخدي فيها شهادات ودورات اذا عجبتكم واستمتعتو فيها وكانت تجربتكم مع المادة احسن من تجربتي اقترح انكم تاخدو فيها دورات حيزيد من فرص عملكم ان شاء الله

  عدد الساعات:3

معمل:لها معمل ب 35  درجة حتستعملي فيه برنامج اسمه Rapid Miner يعلم تحليل البيانات الكبيرة

واجبات:كثيرة الواجبات في المحاضرة والمعمل

مشروع:مشروع ب 20 درجة يتسلم على جزئين

طول المنهج:طويل

2.      مواضيع وقضايا معلوماتيةProfessional Computing Issues:

 مادة سهله وبسيط وكلام كثير منها انذكر في مواد سابقة والكلام الجديد مفهوم

  عدد الساعات:2

معمل:لا يوجد

واجبات:قليلة الواجبات

مشروع:برزنتيشن وبحث بسيط عن موضوع من اختيارك له علاقة بالمنهج

طول المنهج:وسط

3.      مشروع تخرج 1: 

عبارة عن اختيار وتخطيط وبحث مطول عن فكرة لمشروعك تكون مفيدة وجديدة حتستعملي فيها كل التقنيات اللي اتعلمتيها في المواد السابقة مثل

·         هندسة برمجيات

·         قواعد البيانات

·         ادارة مشاريع

·         اساليب الكتابة العلمية

    عدد الساعات:1

معمل:لا يوجد

واجبات:لا يوجد

طول المنهج:لا يوجد محاضرات اجبارية لكن في كل اسبوع في محاضرة لو تقدري تحضريها وتستفيدي 

المستوى الثامن

 ده المستوى فيه 3 مواد تخصص واول مادة اختيارية من المسار التخصصي ومادة حرة او عامة حسب احتياجك 

1.      امن المعلومات والحاسباتInformation & Computer Security: 

دي المادة اكثرها نظري وفهم وحفظ وحسابات وكل شي فيها لكن اذا انفهمت تقدري تعديها بدرجة حلوة ان شاء الله

  عدد الساعات:3

معمل:لها معمل بلغة الجافا

واجبات:كثيرة الواجبات في المعمل

مشروع:مشروعها عبارة عن بحث في موضوع تحدده الاستاذة

طول المنهج:وسط

2.      تطوير تطبيقات نظم المعلوماتIS Application & Design Development:

 دي مادة منهجها جدا بسيط وقليل سواء محاضرة او معمل لكن معلوماتها دسمة وجديدة

  عدد الساعات:3

معمل:لها معمل بسيط جدا

واجبات:ليس لها واجبات

مشروع:بحث بسيط

طول المنهج:قصير جدا

3.      مقدمة في نظم الاعمال الالكترونيةIntroduction to E-Buseness System: 

اسم اخر لدي الماده وهوه اللي يشرحها بإختصار E-COMMERCE  يعني التجارة عن طريق الانترنت لكن كلامها ومحتواها مفهوم لكن المادة دي تحتاج تركيزك كله

  عدد الساعات:3

معمل:معمل مهم جدا بلغة ال PHP

واجبات:كثيرة الواجبات في المعمل

مشروع: انشاء متجر الكتروني مع بحث عن نفس الموضوع المشروع لوحده عليه 35  درجة

طول المنهج:طويل جدا

المستوى السابع

ده المستوى عبارة عن 5 مواد تخصص ومادة حرة او عامة

1.      محاسبة تجارية تطبيقية Principles of Coroprate Accounting: 

من اسهل اسهل اسهل المواد اللي عدت عليا جدا حلو و بسيطة ومفهومه كل شي بالآلة الحاسبة بس اهم شي تعرفي القانون اللي هوه  عبارة عن 3 قوانين في المنهج كله حرام ما تجيبي درجة حلوة في المادة دي

  عدد الساعات:2

معمل:لا يوجد

واجبات:قليلة الواجبات

مشروع:لا يوجد

طول المنهج:قصير جدا

2.      تحليل وتصميم نظم معلوماتIS Analysis & Architecture Design:

 دي مادة تجمع بين مواد اخذتيها قبل كد اللي هيه هندسة برمجات+ قواعد البيانات

     عدد الساعات:3

معمل:لها معمل قريب من مادة هندسة برمجيات كله رسمات وتخطيط

واجبات:كثيرة الواجبات في المعمل

مشروع:لها مشروع بحث

طول المنهج:وسط

3.      مبادئ الاتصال بين الانسان والحاسبPrinciples of Human Compueter Interaction: 

دي المادة تعتمد على التصميم كيف تصممي برنامج او موقع بشكل يكون مريح وواضح للمستخدم تعلمك اساسيات واهمية التصميم

  عدد الساعات:3

معمل:معمل بسيط عبارة عن نشاط تحلي نصه في المعمل ونصه يترسل كواجب

واجبات:من المعمل

مشروع:مشروعها اهم شي في المادة عبارة عن انك تصممي برنامج او موقع  باستخدام الخطواتوالاسايات حقت المادة

طول المنهج:وسط

4.      تطوير تطبيقات الانترنت وبرمجيات الويبInternet  Application & Web Programming:

 دي المادة هيه ال IS  ليش؟ عشان كلها برمجة بلغة ال HTML, CSS, JAVASCRIPT & PHP  ده اللي حيكمل معاكي وده اللي بس قسم نظم المعلومات يتقنوه اكثر من غيرهم واللي هيه برمجة مواقع الانترنت كيف تصممي موقع من كل النواحي لو قدرتو تاخدو المحاضرات في المعمل يكون افضل لأنه المادة مافيها نظري كلها عملي

  عدد الساعات:3

معمل:مهم جدا

واجبات:كثيرة الواجبات

مشروع:اهم شي فيها المشروع ولو تبغي توفري على نفسك الوقت والجهد خلي مشروع المادة دي هوه نفسه مشروع مادة الاتصال بين الانسان والحاسب تكوني ضربتي عصفورين بحجر واتقنتي الاثنين

طول المنهج:وسط

5. جودة برمجيات Software Quality:

  دي مادة تشرح كيف تختري وتقيمي البرنامج من حيث القيمة والكواليتي العالي له رح تحتاجيها في السنوات الجاية في المشاريع بالذات مشروع التخرج 

 عدد الساعات:3

معمل:معمل بسيط وسهل جدا 

واجبات:حسب الدكتورة حقت المادة لكن الاغلب قليلة  الواجبات

مشروع:مشروعها جداً سهل 

طول المنهج:قصير

المستوى السادس

ده اكثر مستوى متعب عدى عليا من ناحية المواد ((((((ارهاااااااق)))))) فيه 6 مو وكلها مواد تخصص وكلها تقول انا الاهم بس عن تجربة حقولكم ايش الاهم من جد:

1.      السلوك التنظيمي(Orgnizational Behaveor): 

مادة تابعة لمواد الادارة زي (management, marketing) تحتاج تركيز وقت المذاكرة اكثر من المواد اللي قبلها بس مهي من اهم المواد في ده الترم

  عدد الساعات:2

معمل:لا يوجد

واجبات:لا يوجد

مشروع:برزنتيشن بسيط عن موضوع من المادة من اختيارك

طول المنهج:وسط

2.      مبادئ نظم تشغيل: يشرح نظام التشغيل في الكمبيوتر وايش وظيفته وايش تعمل وكدة ممكن نقول عليها صعبة شوية بس مارح تحتاجي ترجعيلها في المستويات اللي جاية

  عدد الساعات:3

معمل:لها معمل يشرح كيف يشتغل الoperating system  بشكل بسيط ومختصر

واجبات:واجبات المعمل قليلة

مشروع:مشروع عمل Operating system  مبسط لحل مشكلة معينة

طول المنهج:طويل

3.      هندسة برمجيات: دي من اهم اهم اهم اهم المواد في الكلية كلها لو ما فهمتيها دحين حتتعبي جدا لانه بعد كده حيتعاملو معاكي على انك درستيها ولازم تطبيقي المطلوب منك بدون نقاش تتكلم عن الخطط المستخدمة في بناء البرامج والرسمات المطلوبة والمهمه للتخطيط عند بناء البرامج من المواد اللي تنحفظ اذا انفهمت

     عدد الساعات:3

معمل:لها معمل على برنامج Microsoft Visio  كله رسمات وتخطيط بسيط اذا انفهم ومهم جداً للمواد ومشروع التخرج مستقبلاً

واجبات:المعمل كثير الواجبات

مشروع: عمل بحث ومخطط لبرنامج معين من اختيارك او اختيار دكتور المادة

طول المنهج:طويل جدا

4.      مقدمة ادارة مشاريع النظم البرمجية: دي المادة ما تتكلم عن الكمبيوتر قد ما تتكلم عن التخطيط يعني الميزانية الوقت الناس الموارد المستخدمة في تخطيط اي شي سواء مشروع بناء مبنى او برنامج

  عدد الساعات:2

معمل:معمل بسيط جدا عن كيفية استعمال برنامج Microsoft project  مهم جدا لمشروع التخرج مستقبلا

واجبات:كثيرة الواجبات

مشروع:مشروعها طوييييل ويستحسن تبدأي فيه من بدري

طول المنهج:قصير

5.      مبادئ شبكات البيانات: مادة مهمه جدا حتلاقي الكلام اللي درستيه هنا بيتكرر في مواد تانية حتدرسيها المستويات الجاية بس مو بنفس التفصيل والشرح اللي هنا تتكلم عن الشبكات وانواعها وتطورها على مدى السنوات

     عدد الساعات:3

معمل:لها معمل بعض الحيان يكون ممتع ومختلف و احيانا يكون ممل وسخيف

واجبات:ملها واجبات كثير

مشروع:بسيط المشروع

طول المنهج:طويل جداااا

6.      نظم ادارة قواعد البيانات: السهل الممتنع مادة حلوة وممتعة وكل البنات كانو يجيبو فيها درجات ممتازة كلها تقسيم جداول وبالمنطق غالبا, يعني مافي شكل واحد صح كل واحد وتفكيره وتقسيمه مهمه جدا لمشروع التخرج عشان كدة لازم تفهميها كويس جدا حتى النظري اللي فيها مو كثير ولا متعب

  عدد الساعات:3

معمل:لها معمل مهم جدا ومرتبط بالمحاضرة بشكل مباشر

واجبات:لا يوجد

مشروع:مشروع شوية كبير بحث وبرنامج في نفس الوقت

    طول المنهج:وسط

المستوى الخامس

في ده المستوى قريب جدا من المستوى الرابع بس اسهل صراحة رح تكوني ملزومة بأربع مواد تخصص  ومادة  عامة او حرة غالبا ثقافة 3

1.      مبادئ التسويق (principles of marketing)

دي المادة بإختصار مادة ادارة قريبة شوية من مادة Management  اللي في المستوى الرابع بس اسهل واوضح وكلامها قريب من الواقع اختباراتها غالبا تكون اختياري وكم سؤال مقالي  مادة حلوة وممتعة و تاخدي فيها درجة حلوة صراحة

عدد الساعات: ساعتين

معمل: لا يوجد

واجبات: واجبين او ثلاثة

مشروع: برزنتيشن بسيط تسوقي فيها لماركة او شركة او منتج من اختيار فريقك المكون من شخصين او ثلاثة

طول المنهج: وسط

2.      تراكيب بيانات (data structure)

دي مادة برمجة اسهل بكثير من برمجة 2 وقريبة جدا من برمجة 1 عبارة عن حل مشكلات او يعني تتعلمي تعمل هيكلة معينة لعملية حسابية عندك بالجافا جدا حلوة وممتعة لو تحبي الرياضيات وحل المشكلات وكدة دي المادة حتعجبك مرة وحتى الاكواد الللي فيها سهلة جدا ممكن جدا تجيبي فيها درجة حلوة

عدد الساعات: 3 ساعات

معمل:لها معمل مهم جدا يعتمد عالبرمجة بلغة الجافا

واجبات:لها واجب او اثنين خارج المعمل وله واجبات اكثر من المعمل

مشروع: لها مشروع مهم لكن بسيط جدا

طول المنهج:وسط مو طويل وممل ولا قصير ومختصر لكن ممكن تخلص المنهج قبل انتهاء الدراسة باسبوعين

3.      تراكيب متقطعة(discrete structure)

مادة رياضيات بحتة تعتمد على القوانين وحفظها وتطبيقها واغلبها عمليات حسابية

  عدد الساعات:3

معمل:لا يوجد

واجبات:كثيرة الواجبات

مشروع:لا يوجد

طول المنهج:طويل

4.      تنظيم وبنيان الحاسب(computer architecture and organization )

دي المادة اللي اقدر اقول انها طلعت عيني كنت صراحة اذاكرها ولا اعرف ايش علاقة  الكلام ببعض انا ما ابغى اخوف احد بس المادة ثقيلة دم ومتعبة تتكلم عن شكل الكمبيوتر من الداخل كتركيب (ده الجزء المفهوم من المادة) وتتكلم عن كيف الداتا بتتحرك داخل الجهاز وكان ده يعتمد عالخيال لأنه شيء غير ملموس (ما يحتاج اقول انه ده الجزء الغير مفهوم من المادة)  

عدد الساعات:3

معمل:لها معمل سهل احرصي انك تاخدي فيه درجات حيكون ببرنامج اسمه المات لاب

واجبات:لها واجبات في المعمل والمحاضرة

مشروع:بحث عن موضوع من موضوعات المادة

طول المنهج:طويل