شبح الاختبارات .. ~

السلام عليكم ..~

بما انو الميد الأول قرب فحبيت نتكلم شوي عن جو الاختبارات .. 

و عن شوية نقاط ممكن تساعدك في الوقت والدراسة ..

بعض النقاط قبل المذاكره :

1- لا تطلعي من محاضره الا وانتي فاهمه لانو دا أساس مذاكرتك 

    فإذا انتي ما فهمتي مع استاذتك/دكتورتك 

    حيكون عليكي ضغط اكبر، عشان كدا حاولي تفهمي معاها وأسالي مره واتنين وألف .

2- التركيز في المحاضره حيساعدك كتير في توقع نوع الأسئلة اللي الاستاذه تحب تجيبها 

    ركزي معاها لانها اكيد حتركز على بعض النقاط وتقول عليها "مهمه" .

    خلي معاكي لون مختلف او highlighter عشان تحددي وترجعيلو وقت المذاكره.

3- خلي معاكي السلايدات او الكتاب وقت المحاضره دايما .. 

    و اذا استاذتك ما تنزلها الا بعد المحاضره اطلبو انها تنزلها قبل ..

    عشان تقدري تكتبي الnotes حقتك عليها .. وتأشري ع الأشياء المهمه.

    دي النقطه حتساعدك وتختصر عليكي وقت كتير في المذاكره.

4- نقطه مهمه وكتير بنات يجهلوها انو من حقك تعرفي نوع أسئلة الاختبار 

    يعني قبل الاختيار اطلبي من استاذتك تراجعلكم اهم النقاط " شي بإختيارها "

    والمهم انها تقلكم كيف نوع الاسئله مقاليه (شرح وتعداد)،او موضعيه ( اختياري و صح وخطأ ).

أمور مهمه أثناء المذاكره :

ابعدي عنك أي شي شاغل بالك .. 

لانو دحين وقت المذاكره وبعد كدا عندك كل الوقت تفكري فيها برااحتك..

1- حاوي تصفي ذهنك وتبعدي عنك شبح الاختبار و ركزي في المذاكرة فقط . 

   خلي المكان مُهيأ للدراسه و وهادئ 

   جيبي سناك تحبي تاكليه وخليه جنبك لأنك ع الغالب حتجوعي .. ..

 

2- خلي جنبك ورق واكتبي في الnotes المهمه عشان يكون اسهلك تراجعيها لحالها و تركزي عليها .

3 - في حركه ممكن تساعدك كمان انو تسجلي بصوتك الأشياء المهمه وتسمعيها قبل النوم او في السياره وانتي رايحه ع الاختبار.

4 - حاولي تاخدي بريك كل ساعه عشره دقايق عشان تقدري تركزي اكتر .. 

أمور مهمه بعد المذاكره : 

1 -  استعيني بالله واعرفي انك قد ما عملتي ما حتاخدي الا اللي ربي كاتبلك عليه

     لا تجزعي ولا تزعلي لأنو الموضوع ما يستاهل الزعل ..

     لازم تعملي كل اللي عليكي و أمر الدرجات يكون اخر همك ..

2 - حاولي تراجعي قبل النوم لان دا الشي يخلي المعلومه تثبت فمخك اكتر.

3 - موضوع مهم وكتير ننساه : وهو النوم بدري حاولي تنامي بدري عشان تكوني مركزه في الاختبار

    لانو السهر يأثر على خلايا الدماغ و ممكن يخليكي تنسي أو تتنحي بالغالب . ..

4 - ممكن قبل الاختبار بساعه تجلسي مع صاحبتك وتسألو بعض بحيث انكم تتاكدو انهم شاملين كل الأشياء المهمه . 

..............

شي مهم في دراسة الجامعة حتجيكي مواد من كتر ما هيا طويله صعب جدااا انك تخلصيها بيوم او اتنين .. 

و دا شي طبيعي .. خليكي ذكيه واختصري الوقت و مو كل كلمه لازم تحفظيها 

و دا طبعا حتعرفيه زي ما قلت قبل كدا ومن أسلوب الاستاذه ومن شرحها 

............

والله يوفقنا و يوفقكم في الاختبارات ..