السلام عليكم ورحمة الله وبركاته
اول موضوع لنا في البلوق حيكون تعريف بينا احنا
احنا مين؟
احنا ثلاث بنات
شذى
غيداء
و
ارين
احنا بنات IS ( نظم معلومات )
مستوى سابع
بس في يوم من الأيام كنا زيكم
تايهين وضايعين
مهمة البلوق ده انو يساعدكم في ايامكم الدراسية الاولى بالذات
ايش هيه كلية الحاسبات؟
ايش التخصصات الموجودة؟
ايش تفرق عن بعض؟
ايش هوه المسار التخصصي؟
واهم من ده كله
كيف اختار تخصصي؟
كل دي الأسئلة حنجاوب عليها بالتفصيل
بس في الاول خلينا نتكلم عن نفسنا شوية
انا غيداء
حتلاقوني اكتب في البلوق كثير 
لأني احب أنفس عن اللي جواتي بالكتابة
ما عندي هوايات او إبداعات بس كلامي كثير
وأحب أتفلسف كثير فلو عندكم أسئلة تعالولي على طول
ما حتتعبو عشان تلاقوني
مافي غيداء IS
مستوى سابع غيري
اسألو عني وحتوصلولي 
انا أرين
دخلت الحاسب برغبتي مع انو ثاني رغبه بس جلست ادعي انو انقبل حاسب مو هندسه .. كنت محتارة بين الاي تي والاي اس لاني اميل للفهم اكثر بس الحمدلله ارتحت في تخصصي ( نظم معلومات )
وحتتعرفو اكثر عليا من البلوق واي سؤال انا جاهزه
️
وحتتعرفو اكثر عليا من البلوق واي سؤال انا جاهزه
انا شذى
تخصصي نظم معلومات كان تاني رغبة ليا ..انقبلت في القسم وكنت كارهتو جدا .. لدرجة تقريبا اول ترم ما كونت ولا صداقه وحده فيه مع العلم اني اجتماعيه نوعا ما ..كان كل تفكيري اني اسحب منو .. بس قرات عنو وعرفت انو مجال مفتوح ومجالات عملو كتيره اقتنعت فيه جدا .. ممكن تكون حالتي في زيها كتير و مرو بنفس وضعي و حبيت اساعدكم لو كنتو مكاني 
No comments :
Post a Comment